湯•米 (已結業)

呢排凍凍地想打邊爐，上OpenRice發現將軍澳有台式臭臭鍋，於是去幫襯下。餐廳播住周董嘅歌，又有芝士奶蓋、珍珠奶茶等飲品，好有台灣feel。芝士綠妍$30-先嘗一口芝士奶蓋，香滑嘅芝士奶係口中溶化，再飲淡香嘅茶，剛剛好滿杯紅柚子$35-甜中帶酸，好開胃，含豐富維他命C同纖維，夠健康沙茶牛肉鍋$94-材料豐富，有牛肉、金針菇、娃娃菜、椰菜、粟米、炸薯仔、炸枝竹、鵪鶉蛋、鳴門卷等等，仲有蛤蜊吊味添。湯底濃郁惹味，臨尾加粉絲索曬啲湯汁食好滋味藥膳豚肉鍋$91-材料大同小異，轉咗豚肉同多咗紅棗枸杞等，湯底相對清淡健康，啱小朋友老朋友食湯底除咗上面仲有好多其他款，下次再試下招牌臭臭鍋先！