臺北棧 (荷李活道) (已結業)

收工約左朋友係中環食飯，以台灣菜嚟講，定價都唔算平，不過係蘇豪一帶難得有台灣菜，當然要試下。招牌牛肉麵牛肉好軟腍入味，蟲草花少少脆口，豆腐既口感幾特別，同平時食既好唔一樣。麵底則可選刀削麵或者寛粉絲。爆蔥牛肉麵同招牌牛肉麵既配料一樣，不過係加左好多好多蔥。寬粉絲既份量好似比刀削麵多，幾煙韌彈牙，食到飽都仲有。溏心蛋魯肉飯溏心蛋既蛋黃呈流心狀，煮既時間控制得啱啱好。魯肉肥瘦均勻，配飯一流。台式肉鬆榨菜蛋餅充滿台灣風味既蛋餅，榨菜同肉鬆既配搭好夾，仲好大件，幾值得一試。