影片
更多
2022-08-17
298 瀏覽
今日同友人嚟銅鑼灣搵食😚 見到呢間台灣菜菜式幾特別 所以就落咗嚟試吓啦😉 呢度嘅裝修好別緻 仲有唔少打卡位㗎🎤 貪玩嘅我梗係行咗埋去枝咪面前扮唱歌表演啦😂話梅小山藥呢個前菜幾有特色 小山藥即係淮山 本身嘅選材已經比較健康 再配埋話梅汁鹹鹹酸酸 作為餐前小食真係好開胃呀🤤白滷水九孔鮑魚呢一碟賣相已經好靚😂 食落口絕對有驚喜 佢係用白滷水製作嘅 所以顏色上唔似坊間滷水鮑魚一樣 食落冇一般滷水咁鹹 間食到鮑魚嘅鮮味 鮑魚上碟嘅時候已經切開咗一半 方便我地可以好優雅咁食 鮑魚底層有一塊魚餅 咬落口都幾煙韌蟹肉蛋白泡泡脆米金湯呢個脆米金湯做得幾出色 蟹肉南瓜濃湯入面仲有好多一絲絲嘅蟹肉 再加北海道帶子 蝦肉等嘅配料 每一啖都係滿足嘅滋味😍 加上佢有個蛋白泡泡🍳 外型獨特 配上脆米 口感豐富鹽酥波士頓龍蝦脆角豆金瓜鍾意食脆卜卜嘅就會好鍾意呢碟 因為秋葵 南瓜片 米通都係好脆卜卜嘅🥰 再配埋用椒鹽調味嘅波士頓龍蝦🦞 龍蝦已經切開一件件 所以都食得好方便 食到我地嘴舐舐黑松露鮮百合花呢碟有少少似西式嘅菜式 有啲似芝士焗蔬菜 但係佢係用奶油同鮮百合花組成 鮮百合花好甜☺️ 配埋黑松露同埋奶油真係好夾呀鐵板
今日同友人嚟銅鑼灣搵食😚 見到呢間台灣菜菜式幾特別 所以就落咗嚟試吓啦😉 呢度嘅裝修好別緻 仲有唔少打卡位㗎🎤 貪玩嘅我梗係行咗埋去枝咪面前扮唱歌表演啦😂
話梅小山藥
呢個前菜幾有特色 小山藥即係淮山 本身嘅選材已經比較健康 再配埋話梅汁鹹鹹酸酸 作為餐前小食真係好開胃呀🤤
白滷水九孔鮑魚
呢一碟賣相已經好靚😂 食落口絕對有驚喜 佢係用白滷水製作嘅 所以顏色上唔似坊間滷水鮑魚一樣 食落冇一般滷水咁鹹 間食到鮑魚嘅鮮味 鮑魚上碟嘅時候已經切開咗一半 方便我地可以好優雅咁食 鮑魚底層有一塊魚餅 咬落口都幾煙韌
蟹肉蛋白泡泡脆米金湯
呢個脆米金湯做得幾出色 蟹肉南瓜濃湯入面仲有好多一絲絲嘅蟹肉 再加北海道帶子 蝦肉等嘅配料 每一啖都係滿足嘅滋味😍 加上佢有個蛋白泡泡🍳 外型獨特 配上脆米 口感豐富
鹽酥波士頓龍蝦脆角豆金瓜
鍾意食脆卜卜嘅就會好鍾意呢碟 因為秋葵 南瓜片 米通都係好脆卜卜嘅🥰 再配埋用椒鹽調味嘅波士頓龍蝦🦞 龍蝦已經切開一件件 所以都食得好方便 食到我地嘴舐舐
黑松露鮮百合花
呢碟有少少似西式嘅菜式 有啲似芝士焗蔬菜 但係佢係用奶油同鮮百合花組成 鮮百合花好甜☺️ 配埋黑松露同埋奶油真係好夾呀
鐵板香煎一口鵝肝牛小排
個人最鍾意呢一碟 因為本身已經好鍾意食牛 牛小排肉質鮮嫩 咬開仲有少少粉紅色 生熟程度啱啱好😍 再配埋一口鵝肝 口感非常正😚 鐵板旁邊仲有啲鍋邊蛋 集合晒唔同國家嘅美食🤣
八斗子炒飯
呢個炒飯外型都好獨特 隻虎蝦絕對係重點🦐 肉質好彈牙 加上有北海道帶子 蟹肉 蟹子 豬肉鬆 皮蛋粒 最緊要係有鵝肉😝 每個材料都同個炒飯好匹配 炒飯一啲都唔油膩 絕對值得推介
Iced cappuccino
喺台灣餐廳飲凍咖啡好似有啲格格不入😂 但係呢個Cappuccino 都幾好飲🥰 冇嗌少甜都唔會好甜㗎
奇幻世界
佢嘅造型有啲似水果茶 因為入邊有檸檬香橙同埋菠蘿 個飲品描述係話要浸泡三日先製作到㗎😮
氣球小女孩
呢杯真係好適合打卡 淨係個氣球已經要影返幾張相啦🫧 入面有Gin 同埋一啲果汁 味道偏甜 好易入口
巨峰烏龍
唔鍾意甜味嘅朋友應該會幾鍾意呢杯 入面有Kokuryu sake 同埋巨峰提子🍇 成杯飲品最甜就係粒提子啦😂
呢間餐廳嘅海鮮質素都唔錯 食得出係用料上乘 真係一分錢一分貨☺️ 如果想同屋企人朋友食餐好嘅 不妨過嚟呢度試吓 服務質素又唔錯 餐廳環境仲好令人放鬆添😉
張貼
