Sense Cafe (已搬遷) 新店位置

小妹自從去完韓國返黎就好中意周圍搜尋下一D品味咖啡店。今日黎到佐敦條食街搵食。小妹同朋友對今次間咖啡店有喜出望外之感。咖啡店算中型。牆上面用粉筆寫滿哂特色推介菜色。小妹見好多款都係坊間無既，例如鵝肝漢堡同埋龍蝦潛艇仲有唔少特色甜品例如雪葩，係出面都唔常見架。咖啡店空間比較大。侍應都好客氣，小妹見其他客都叫左忌廉焗飯。賣相好好。所以小妹都叫黎一試。皮脆函靚。最精神係伴碟的烤雞，層皮都好脆但又唔會乾，雞肉好juicy! 哩個值得推介！ 然後小妹再大膽地點左個龍蝦潛艇，啖啖龍蝦肉好爽口！真材實料囉。配上沙律醬，感覺好fresh同埋牛角飽做底令到本身鮮甜的龍蝦唔會寡口 。同埋龍蝦湯勁大蝦膏味，香滑，都証明佢幾真材實料，好穩打穩紮。因為係期間限定，小妹唔知下次再黎會唔會再有啦。另外，點左杯蜜柑沙冰，值得一提係，小妹覺得哩間咖啡店的果汁沙冰好特別，好多都係出面無既，例如蜜柑同血橙，都係高檔次類水果，小妹覺得蜜柑真係純果汁加沙冰，無加糖水，所以味道好自然。最後小妹點左份窩夫，鮮果窩夫純粹係想試下窩夫整成點。脆口濃濃香味，好啦，過關！