木屋大排檔

營業中

休息中

今日約咗朋友去大埔食飯，佢介紹一間屋大排檔，起初以為真係一間大排檔，點知去到門面都唔錯，係一間裝修得幾好嘅餐廳，坐低之後就點咗個二人套餐，同埋各自點咗一杯有cream嘅奶茶，個套餐之中就點咗combo 配青木瓜沙律，黃咖哩花甲配蒜蓉包，和鮮蝦炒金邊粉；首先嚟咗兩杯奶茶，個杯好有特色，係骷髏頭杯，飲落啲cream再加埋啲奶茶係相當香滑，亦都冇苦澀味又加上好香嘅茶味，都好好味；跟住嚟個黃花甲配蒜蓉包，啲蒜蓉包仲暖嘅，同埋浸落啲黃咖哩度食，簡直就係絕配；個combo加青木瓜沙律有驚喜，原來上面有四款小食包括春卷，蔗蝦，蝦餅同埋一個炸嘅小食，青木瓜十分清新，而啲蔗蝦同埋春捲都相當美味；最後個鮮蝦炒金邊粉，啲蝦都好新鮮，金邊粉亦都炒得好有鑊氣；朋友介紹呢間木屋大排檔真係唔錯！