影片
更多
2023-05-27
344 瀏覽
💁♀️💁♂️ 19/5/2023(Fri), Dinner🍽💁♀️為食妙妙同💁♂️A先生都少接觸湘菜（即係湖南菜），之前💁♀️為食妙妙聽朋友去銅鑼灣食過 @laochangshaxiangcaiguann 既湘菜，朋友覺得佢地既湘菜好地道，同好好味，叫我地一定要去試下，我地見未試過，朋友又大大力推介下，今晚我地就試試一啲唔同地方既菜式啦！上到黎，餐廳地方唔算大，類似私房菜既格局咁，而我地坐近廚房既位置，未上菜，已經聽到由廚房傳黎煮野食時，夾雜鐵鑊烹煮，好有氣勢既“洪洪”鑊氣聲🤩🔥🔥🔥。而今晚我地order咗：🔆 麻辣烏雞爪（$68） 我地見平時食鳯爪就食得多，烏雞爪就比較少見，於是就點咗呢碟小食。烏雞爪已經去咗骨、食起上嚟唔使𦧲骨，好方便。爽口既烏雞爪加埋辣椒🌶️、蒜頭、芫荽🌿同麻辣汁，入口爽脆刺激，好快又清咗碟。🔆 香辣串串蝦🦐（$168）一碟有9隻蝦🦐用竹籤逐隻串起來，蝦🦐本身已經去咗頭同埋剪咗蝦腳，方便進食。加上蝦炸得夠透，蝦殼都食落香脆，就咁拎住竹籤就可以連殼食。蝦🦐本身都幾大隻，炸透既蝦再用辣椒🌶️、蒜蓉🧄、豆豉等去炒過，辣味同香味都完全滲入晒蝦肉入面，食起來蝦肉彈牙又惹味，連殼
💁♀️💁♂️ 19/5/2023(Fri), Dinner🍽
💁♀️為食妙妙同💁♂️A先生都少接觸湘菜（即係湖南菜），之前💁♀️為食妙妙聽朋友去銅鑼灣食過 @laochangshaxiangcaiguann 既湘菜，朋友覺得佢地既湘菜好地道，同好好味，叫我地一定要去試下，我地見未試過，朋友又大大力推介下，今晚我地就試試一啲唔同地方既菜式啦！
上到黎，餐廳地方唔算大，類似私房菜既格局咁，而我地坐近廚房既位置，未上菜，已經聽到由廚房傳黎煮野食時，夾雜鐵鑊烹煮，好有氣勢既“洪洪”鑊氣聲🤩🔥🔥🔥。
而今晚我地order咗：
🔆 麻辣烏雞爪（$68）
我地見平時食鳯爪就食得多，烏雞爪就比較少見，於是就點咗呢碟小食。烏雞爪已經去咗骨、食起上嚟唔使𦧲骨，好方便。爽口既烏雞爪加埋辣椒🌶️、蒜頭、芫荽🌿同麻辣汁，入口爽脆刺激，好快又清咗碟。
🔆 香辣串串蝦🦐（$168）
一碟有9隻蝦🦐用竹籤逐隻串起來，蝦🦐本身已經去咗頭同埋剪咗蝦腳，方便進食。加上蝦炸得夠透，蝦殼都食落香脆，就咁拎住竹籤就可以連殼食。
蝦🦐本身都幾大隻，炸透既蝦再用辣椒🌶️、蒜蓉🧄、豆豉等去炒過，辣味同香味都完全滲入晒蝦肉入面，食起來蝦肉彈牙又惹味，連殼一齊食更方便過癮。
🔆 小炒黃牛肉（$168）
配料都有唔少，包括芫荽🌿、酸椒、辣椒🌶️、牛肉等等，黃牛肉入口有咬口又有肉味，配合辣椒🌶️同酸椒一齊食，初初入口覺得辣度尚可，唔算太辣，但慢慢辣味再滲出來，都幾刺激，這個辣有後勁👍🏻，非常惹味。
🔆 農家窩窩頭（$68/8個）
窩窩頭係北方既主食，主要係用玉米粉、黃豆粉等製作而成，造成一個窩既形狀，係一個健康既主菜。
上枱時8個窩窩頭圍住中間既碟配菜，係用醃菜、蒜蓉🧄、辣椒🌶️炒成，可以𢳂入窩窩頭個窩入面食。呢個鹹鹹辣辣既配菜加埋淡味既窩窩頭，作為今晚既主食都唔錯。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 餐廳有獨立VIP房，用上湖南景點：湘江、洞庭湖、瀏陽河嚟命名，配合返餐廳食湘菜既主題
👉🏻 見到店員傳菜時，VIP房客人既餸菜都好特別，八掛下問過店員，原來客人可以預早通知餐廳，自己帶魚俾餐廳為佢哋製作各種魚既料理😯👍
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗(4/5)
👉🏻 泊車建議考慮時代廣場🅿️，有大量車位，而泊車優惠又唔難拎
👉🏻 港鐵🚇經銅鑼灣廣場過條就係駱克道，另外巴士🚌、小巴都可以輕易到達
🔆🔆🔆🔆🔆🔆🔆🔆🔆🔆🔆🔆🔆
張貼
