Oslo (已結業)

星期三總是每個星期最難捱既日子，離假期仲有兩日好似仲要好耐先可以放假。今日約左朋友到九龍城食飯放鬆一下。玉子野菌煙肉卷($68)首先叫左個小食，上面是流心既蛋黃用煙肉包住，而底下有香味十足既香菇令到口感味道層次更高，呢款小食真係誠意之作，功夫十分多，賣相及味道都十分吸引。迷城漢堡包($68)面包皮十分鬆軟，中間的牛肉煎到外層有少少焦香，令牛肉更加突出，切開一半後牛肉好多汁，成個漢堡一齊食都唔會太乾，份量亦好足，抵食次選。榴槤多士盒($118)主角榴槤多士盒，入黎食就係為左呢個多士盒，材料十分多，榴槤雪糕，香蕉脆片仲有榴槤味既cream，仲有一d糖絲裝飾，整體十分美觀，多士盒內一粒粒小多士都十分香脆，配合雪糕cream等配料真係食極都唔會覺得膩，兩個人食完又食完全忘我，喜愛榴槤既朋友真係要一試。芒果奶昔($58)好濃同幼滑既奶昔，甜度剛剛好，不會太甜令到你口渴，飲完口中仍然有芒果既香味。玫瑰花茶($48)玫瑰花茶十分清新，食左濃味既食品之後，可以清清口腔，女士必選。