維港灣餃子坊

營業中

休息中

係屯門行完菠蘿山好肚餓，於是同朋友到元朗呢間咁出名嘅餃子店食晚餐。由於實在太肚餓，我哋幾個各自嗌咗一碗湯餃麵：大白菜鮮肉湯餃(8隻)、香芹鮮肉湯餃配刀削麵同埋鹹蛋黃芥菜鮮肉湯餃，再嗌多咗個土匪雞翼同蒜泥白肉。啲餃子非常足料，勁有份量，隻隻都包好包滿！講吓大白菜鮮肉湯餃先，因為冇跟麵食，所以份量多啲，總共有8隻，仲有一碗老火湯配，勁有屋企人煲嘅煮家湯味！鹹蛋魚芥菜鮮肉湯餃比較特別同新穎，好少見有舖頭會將鹹蛋黃放入餃子到整，十分有諗頭！食落去同豬肉芥菜嘅口感十分夾，有下火功用，強烈推薦！！！土匪雞翼比起平時食開嘅大隻，皮脆肉暖，黑椒味又唔係特別濃，易入口。而個蒜泥白肉嘅蒜蓉都好入味，豬肉易咬唔韌，份量亦都好多，超級抵食。我哋仲嗌咗豆漿同銀菊露，消暑解渴一流。