Giacomo Ristorante (已結業)

之前去左香港銅鑼灣皇冠假日酒店入面既高級意大利餐廳【Giacomo Ristorante】試佢既5 courses dinner set。包括前菜、頭盤、main x2同甜品，另外仲有homemade petit four，$1580 per person（另外某兩個main係要另外加錢）。個人最推薦係佢地既Brittany Blue Lobster, Colorado Lamb同Homemade Petit Four。Brittany Blue Lobster：包括BB茄子同龍蝦汁。龍蝦肉質爽口鮮甜，搭配濃郁龍蝦汁更加凸顯龍蝦既鮮味。BB茄子又可以增加更多口感。Colorado Lamb：使用黎自美國Colorado既羊架，肉質嫩滑多肉汁，只係有少許羊騷味、唔會太濃，容易接受同入口。外皮又煎到微微焦香，不錯。Homemade Petit Four：整體唔會太甜，有D似cookie夾住D cream，果仁味濃郁。