尚月廚房 (餃子湯麵專門店) (已結業)

經歷咗咁耐以來嘅疫情，相信好多人都冇乜點去旅行！同埋已經好經常都冇乜點同朋友聚會啦😂所以有時候喺香港，都會好想試吓唔同國家嘅菜式，當自己去咗旅行都好💙一解思鄉之愁🤣今日就去咗呢間位於馬鞍山嘅尚月😆呢度食餃子，有好多唔同嘅選擇，同埋呢度嘅裝修唔係一啲舊式嘅餃子店，所以坐落去嘅時候係會舒服啲，同埋佢有一個好大嘅玻璃可以將陽光吸收入嚟，感覺好似去咗野餐咁。👍👍👍入到黎員工都好好嘅服務，同埋上菜嘅時間都好快。菠菜麵，呢個菠菜麵好好食，有少少爽口但係有少少煙韌，你個配搭就似矛盾對決咁樣🤣🤣再加上菜，感覺成件事都健康晒。日式咖喱豬肉 $34呢個感覺真係好似日式咖喱，好好食，日式咖喱係有啲想追住食嘅感覺，加埋啲豬肉，豬肉嘅份量又唔少，所以真係好好食，啲皮唔會話好厚，但入邊就有好多料。