E FOR EGG (已搬遷) 新店位置

個人比較鍾意幫襯下特色小店，大圍有間吐司最近都多人推介，終於有機會試下。舖頭裝修似休閒cafe,裡面只有3，4個位，出面有張小枱，所以都見不少人選擇外賣。最想試是盒子吐司，第一次食揀左個有肉比較飽肚的口味。Double芝士豬柳滑蛋盒子吐司，聽過名都夠邪惡，好豐富咁。賣相都好靚。吐司外脆，堂食熱辣辣即食最好。內裡夾有豬柳，滑蛋更加是食到底都有，好足料，加埋沙律醬，芝士，真係又滑又香又脆。加$10可配果茶，我揀左蜜桃果茶，唔太甜，加左少少生果點綴，唔馬虎。如果嫌吐司份量少，可以加多$10加大1.5倍。除左盒子吐司外，還有厚切三文治，豬仔，牛角酥，飯等供應，有機會再試。