六合小廚 (已結業)

今日陪朋友去Apple整電話但係中間要等一段時間，咁就喺附近搵到呢間小廚試試佢🤭秘製密招土豆牛腩粒據聞係呢度嘅招牌菜，一上枱呢有一浸甜甜嘅香味傳咗過嚟。應該係加咗蜜糖去醃製，令到薯仔同埋牛肉都鋪上一層光滑嘅質感🙈上枱嘅時候賣相好吸！咬落去呢仍然都係脆口嘅，口感好好。牛腩唔會好老，估唔到牛腩同埋薯仔可以咁夾！香煎潮式蠔仔烙蠔仔烙唔會話好多粉。佢真係真材實料，蠔仔嘅數量亦都好多！絕對唔會話係一一口咬落去全部都係粉。份量比較多適合三至四個人share食 ，兩個人真係食唔晒😚招牌闊老炒飯諗住嗌左兩個小菜叫個飯嚟中和下，炒飯粒粒分明而且材料都好多，有好多蝦肉，食起上嚟都好有鑊氣，好香口