十八座狗仔粉

營業中

休息中

有次經過旺角，都見到有間，今次就係元朗食。叫左2碗狗仔粉，生菜魚肉，鴨翅。狗仔粉其實我覺得好似老鼠粉咁，不過唔係透明，兩端唔係尖，係平既，幼圓柱體咁。食落口有少少咬口。上面有d菜脯，仲可以自己加枱面上個d辣菜脯，侍應話加左好好食。不過我唔係特別鍾意食辣，所以冇加。生菜魚肉好大陣麻油味，所以香，不過唔駛放咁多都夠味，魚肉一條條厚厚地身，份量多。鴨翅就第1次食，有口感。如果鍾意食鴨既朋友，可以叫鴨脾，侍應話香d，而且有得成隻脾食，好過癮。P.S.建議叫1個狗仔粉試下先，再叫其他小食，唔夠就叫多碗，咁樣可以試下其他野食eg魚蛋燒賣個d都有賣。