影片
更多
2019-09-23
67 瀏覽
前幾日約咗幾個friend喺大角咀附近shisha，諗住求其搵d野食吓嘅時候就入咗呢間小店。我地一坐低店員就擺底咗一人一杯湯比我地邊飲邊點菜。飲落似係豬骨湯，係茶杯入面serve真係第一次見Menu主要都係關東煮，串燒同一d日本小食。小食我地就叫咗芥末八爪鱼同燒雞泡魚乾。雞泡魚乾厚度適中，燒到外面脆脆地甜甜地真係好好食，送酒一流 之後點咗個松葉蟹肉野菜沙律同甲羅燒，個沙律上枱嘅時候見到咁大碟我地都嚇親，好抵食。甲羅燒個樣普普通通，但係食落有驚喜，好多蟹肉蟹膏，調味都調得好好。店員推介我地食一個美人鍋，對於我呢個非常重視骨膠原嘅人當然唔會放過。個鍋好足料，湯底真係好香好好飲，另外仲會跟個烏冬，唔使擔心食唔飽。其實食完個鍋我地已經飽咗，但係又想食下關東煮同串燒，所以就每樣嗌咗少少。要推介吓個黑毛豬腩串，好juicy好香一食已經覺得超正！！！關東煮都不過不失，連側邊配嗰個辣椒油都好好食總括黎講呢間小店都幾出色，性價比高，無論食飯定飲酒吹水都係唔錯嘅選擇~
我地一坐低店員就擺底咗一人一杯湯比我地邊飲邊點菜。飲落似係豬骨湯，係茶杯入面serve真係第一次見
Menu主要都係關東煮，串燒同一d日本小食。
小食我地就叫咗芥末八爪鱼同燒雞泡魚乾。雞泡魚乾厚度適中，燒到外面脆脆地甜甜地真係好好食，送酒一流
之後點咗個松葉蟹肉野菜沙律同甲羅燒，個沙律上枱嘅時候見到咁大碟我地都嚇親，好抵食。甲羅燒個樣普普通通，但係食落有驚喜，好多蟹肉蟹膏，調味都調得好好。
店員推介我地食一個美人鍋，對於我呢個非常重視骨膠原嘅人當然唔會放過。個鍋好足料，湯底真係好香好好飲，另外仲會跟個烏冬，唔使擔心食唔飽。
其實食完個鍋我地已經飽咗，但係又想食下關東煮同串燒，所以就每樣嗌咗少少。要推介吓個黑毛豬腩串，好juicy好香一食已經覺得超正！！！關東煮都不過不失，連側邊配嗰個辣椒油都好好食
總括黎講呢間小店都幾出色，性價比高，無論食飯定飲酒吹水都係唔錯嘅選擇~
張貼
