影片
更多
2023-11-23
544 瀏覽
尖沙咀亞士厘道開咗鮨文分店。餐廳用上和風木系嘅裝修，一張長長嘅壽司吧枱，再加上柔和自然嘅燈光，令你心情放鬆。主廚自我介紹完之後，就悉心地為我們準備食材，見到一件件新鮮嘅刺身，真係流晒口水。另外值得一讚嘅係喺享受午餐過程中，店員殷勤地為我們添加玄米茶，服務一流。今次叫咗有酒肴四道和壽司十貫嘅Omakase。鱈魚白子用上水雲墊底，加上微辣嘅蘿蔔蓉，酸酸辣辣嘅味道跟白子十分匹配。白子口感綿密幼滑，入口即溶。鰹魚配上醬油漬蛋黃和蔥花，魚肉半熟，而且帶有濃郁嘅煙熏味道。醬油燒帆立貝上面原來沾滿干貝碎，增強咗帆立貝嘅鮮甜味，而且外脆內嫩，口感豐富。汁煮鮟鱇魚，配上辣蘿蔔蓉，中和左魚嘅腥味，怕腥味嘅朋友都啱食。石湖鯛魚感覺魚肉嘅顏色好似珊瑚一樣，十分吸睛，味道清甜墨烏賊肉質晶凝通透，爽甜，帶點黏，口感特別。赤身黑陸魚，據我所知係日本嘅高級食材，肉質爽脆，魚油味濃。赤血引，第一次食呢一隻魚，據我所知佢係深海魚，出口量好少，而且係季節性，屬於珍貴食材，所以好少餐廳有得食。食落口感彈牙，味道甘甜。酒漬牡丹蝦，估唔到酒嘅味道能帶出牡丹蝦嘅鮮甜味，我估做法嘅靈感來自醉蝦網燒鯖魚上面鋪上一塊薄薄用醋浸咗嘅昆布，
主廚自我介紹完之後，就悉心地為我們準備食材，見到一件件新鮮嘅刺身，真係流晒口水。另外值得一讚嘅係喺享受午餐過程中，店員殷勤地為我們添加玄米茶，服務一流。今次叫咗有酒肴四道和壽司十貫嘅Omakase。
鱈魚白子
用上水雲墊底，加上微辣嘅蘿蔔蓉，酸酸辣辣嘅味道跟白子十分匹配。白子口感綿密幼滑，入口即溶。
鰹魚配上醬油漬蛋黃和蔥花，魚肉半熟，而且帶有濃郁嘅煙熏味道。
醬油燒帆立貝上面原來沾滿干貝碎，增強咗帆立貝嘅鮮甜味，而且外脆內嫩，口感豐富。
汁煮鮟鱇魚，配上辣蘿蔔蓉，中和左魚嘅腥味，怕腥味嘅朋友都啱食。
石湖鯛魚
感覺魚肉嘅顏色好似珊瑚一樣，十分吸睛，味道清甜
墨烏賊
肉質晶凝通透，爽甜，帶點黏，口感特別。
赤身黑陸魚，據我所知係日本嘅高級食材，肉質爽脆，魚油味濃。
赤血引，第一次食呢一隻魚，據我所知佢係深海魚，出口量好少，而且係季節性，屬於珍貴食材，所以好少餐廳有得食。食落口感彈牙，味道甘甜。
酒漬牡丹蝦，估唔到酒嘅味道能帶出牡丹蝦嘅鮮甜味，我估做法嘅靈感來自醉蝦
網燒鯖魚上面鋪上一塊薄薄用醋浸咗嘅昆布，魚皮帶脆，魚油味濃郁，口感豐富。
中拖羅
日本青森縣大間鎮出品嘅拖羅價錢最貴，可以話係吞拿魚之王。魚嘅肉質油脂分布平均，食落完全沒有筋，入口即溶，真心想再食多幾件。
魚子用上自家醬油醃製 ，味道比一般嘅甜，每一粒都晶凝通透，而且好大粒，真係用了十足。
海膽
主廚攞出一大板嘅海膽出嚟，大家即時起哄，最後真係分晒俾大家品嚐。海膽夠晒新鮮，一啲都唔腥，入口軟滑即溶，還帶點海水味。
最後奉上豆腐味雪糕甜品，畫上完美嘅句號。
張貼
