岩鹽日本料理 (MOKO新世紀廣場)

營業中

休息中

自從新世紀MOKO翻新左之後好耐無去過，最近就去左裏面一間【岩鹽日本料理】食晚餐。睇名都知道佢地係以岩鹽為主打既日本餐廳啦。 和風海鮮沙律：沙律菜都算既新鮮，再加左少少酸醋汁。有非常多唔同魚肉刺身，三文魚、吞拿魚等等，都好鮮甜。非常不錯。 鰻魚牛油果手卷：鰻魚難得無腥味，牛油果新鮮 吞拿魚手卷：吞拿魚好肥美，而且好新鮮 燒鷄翼串、燒雞軟骨串、燒甘薯串：燒鷄翼串皮脆肉juicy、加左岩鹽調味。燒雞軟骨串唔會太乾。燒甘薯串甜甜地，不錯 三文魚昆布豆腐鍋：非常清甜，蔬菜同三文魚既分量都好多。一直有火熱住，唔怕凍曬。 雜錦燒肉定食：包括3款肉類、刺身、沙律、飯同味增湯。刺身新鮮鮮甜、肉油脂分佈適中，非常軟霖。呢個set非常推薦。 荔枝薄荷梳打：好refreshing，不過有少少偏甜。 青檸梳打：味道濃、酸酸甜甜。