十二味 (如心廣場二期)

營業中

休息中

和朋友一起去荃灣如心廣場食晚飯，專誠來到十二味川菜，因為之前朋友食過話味道唔錯，所以特登嚟試下；入到去坐位舒適門面光亮，也都是用手機點餐！現在真是大部分商店都用手機點餐了！真擔心老人家如何可以自己嚟食晚飯呢！我們坐落就點咗佢出名嘅人見人愛酸菜魚，香鍋，干煸四季豆！因朋友唔食得辣，所以全部走辣，而香鍋自己加配料，我地就選咗五花腩，牛肉，小棠菜等等！話咁快酸菜魚同埋香鍋都嚟到啦！可能因為走辣嘅關係，所以香鍋同平時食嘅好似唔一樣，但味道都仲可以，酸菜魚就有一貫嘅特色，雖然都係走辣，但係啲魚都比較淋滑，內裡重有大量嘅寬粉，所以食落都幾飽肚，至於四季豆就中規中矩啦，最後仲點咗個甜品紅糖糍吧，呢個有驚喜，就算唔點紅糖，都足夠甜味，總括嚟講質量很好！