影片
更多
2020-04-02
37 瀏覽
今日放工約朋友去傾偈放鬆下，就黎到荃灣既vici stage。呢度有好多唔同種類嘅飲品，就算唔飲酒，都有冇酒精嘅Mocktail可以選擇。餐廳燈光柔和，坐得好舒服，好適合同朋友嘆住酒咁傾偈。而且呢度逢星期六日都會有live唱歌。Happy Ending 呢杯係一杯無酒精嘅菠蘿飲品，酸酸地，好開胃。Dancing Grape 🍇 好推薦呢一杯巨蜂提子口味既酒，唔會太甜唔會太酸，個調味比例啱啱好，飲落去冰涼透心，好爽快！風乾火腿蘆筍卷用火腿包住爽口既蘆筍卷，加埋香脆既薄餅一齊食，好豐富嘅口感，風乾火腿肉味香濃。沙嗲串燒有雞、牛、豬三種肉類嘅串燒。沙嗲醬汁濃厚，肉類燒得啱啱好，依然保留到肉汁。冬陰公意粉味道好出色，一上枱就有陣陣冬蔭公香氣撲面而來，醬汁平均咁分佈喺每一條意粉上，食落一啲都唔單調。紙包香茅焗鱸魚🐟好新鮮，肉質嫩滑，加埋自家製嘅辣醬味道更加昇華，辣得好過癮😍
今日放工約朋友去傾偈放鬆下，就黎到荃灣既vici stage。呢度有好多唔同種類嘅飲品，就算唔飲酒，都有冇酒精嘅Mocktail可以選擇。餐廳燈光柔和，坐得好舒服，好適合同朋友嘆住酒咁傾偈。而且呢度逢星期六日都會有live唱歌。
Happy Ending
呢杯係一杯無酒精嘅菠蘿飲品，酸酸地，好開胃。
Dancing Grape 🍇
好推薦呢一杯巨蜂提子口味既酒，唔會太甜唔會太酸，個調味比例啱啱好，飲落去冰涼透心，好爽快！
風乾火腿蘆筍卷
用火腿包住爽口既蘆筍卷，加埋香脆既薄餅一齊食，好豐富嘅口感，風乾火腿肉味香濃。
沙嗲串燒
有雞、牛、豬三種肉類嘅串燒。沙嗲醬汁濃厚，肉類燒得啱啱好，依然保留到肉汁。
冬陰公意粉味道好出色，一上枱就有陣陣冬蔭公香氣撲面而來，醬汁平均咁分佈喺每一條意粉上，食落一啲都唔單調。
紙包香茅焗鱸魚🐟好新鮮，肉質嫩滑，加埋自家製嘅辣醬味道更加昇華，辣得好過癮😍
張貼
