貝‧料理 (已結業)

之後已經嚟過貝‧料理，但當時餐廳仲經營緊鐵板燒，最近聽講餐廳轉營做左席前料理，於是就同朋友試下。一入到餐廳已經見到餐廳將鐵板燒爐轉左做大砧板。餐廳大概有十幾個bar枱位可以坐係師傅面前，欣賞師傅嘅手藝。今日我同朋友都好好彩，座位安排可以對正師傅。餐廳職員知道我地係第一次食席前料理，所以同我地分享席前料理原來即係料理師傅挑選時令食材，係客人面前製作每一道食材，而已十分重視食物嘅擺盤。🍶 Sake：我同朋友都好鍾意飲酒，於是都請職員介紹一支同今日食材夾嘅酒俾我地，餐廳會預先預先雪凍清酒杯，真係好細心！而且會比我地挑選自己鍾意嘅杯，我自己揀咗一隻櫻花粉紅色嘅杯子，另外餐廳職員仲會將清酒倒入酌，方便隨時加酒，而且又有滿滿嘅儀式感🦀 松葉蟹：呢款松葉蟹肉伴赤身海膽及三文魚籽，口感鮮甜，而且加埋三文魚籽，口感真係十分豐富，海膽甘甜，食到停唔到口🍣 季節刺身：呢度嘅海鮮刺身十分新鮮時令，啖啖鮮甜🍤 鬼蝦刺身伴蝦油：師傅話呢道菜嘅蝦油係用好多隻鬼蝦去熬製，所以出嚟嘅蝦油鮮濃香滑，帶出刺身嘅獨特風味！🐚 清酒鮑魚：呢款清酒鮑真係好正！鮑魚嘅鮮甜同清酒嘅香醇完美融合，而且口感一點都唔韌，每一口都令人感受到