Etna (已結業)

餐廳喺天后嘅新型商廈金輪天地三樓，設有室內同室外座位。室內座位舒適、燈光柔和、氣氛熱鬧；室外用上木質地板、藤製椅子、戶外傘子令人感覺舒適，面對香港特色嘅街景，兩種不同感覺但都令人感到輕鬆愜意。Starter【Mushroom + Sunflower Root Soup】超香濃蘑菇味，加埋向日葵根，幾特色！【Grilled Humboldt Giant Squid】烤美洲大赤魷，肉質厚實但口感軟滑爽口，作為頭盤份量都幾多，配上醃菜同青瓜絲食又有另一番風味。【Warmed Poached Prawns】暖水煮大蝦，鮮甜大蝦配底下嘅檸檬油，酸酸甜甜幾開胃，同翠肉瓜片食就感覺清新啲～Main【Seafood Bouillabaisse】海鮮有鱸魚肉、蜆、蝦，海鮮全部都好新鮮，底下配我最鍾意嘅龍蝦湯汁，好正～【Brandt Beef Tri Tip Steak】Brandt Beef係美國一個家庭經營嘅天然牛肉品牌，Tri Tip係嫩角尖肉塊，兩個組合都夠晒刁鑽。我哋order咗五成熟，牛肉厚切，食起嚟更有口感，肉質極軟嫩，仲好juicy添，真係靚牛嚟，另外又灑咗少少牛至草，令牛肉多少少香草味。