門角

營業中

休息中

今日去咗旺角黑布街嗰邊一間叫門角嘅手工啤酒舖，喺門外睇好特別，入到店內裝修好有特色，有招牌寫住福祿壽。餐牌係要掃QR code去落單，Menu上有好幾款手工啤可供選擇。舖頭主打茶葉特色嘅手工啤，但係我哋今日就冇試到，反而試咗一個叫「仙人掌」既手工啤，味道帶有啲青檸味，比較清新，好適合依家咁熱嘅天氣飲。另外再叫左「邊爐」，味道有少少似紅酒，酸酸甜甜，比起仙人掌就較為失色啦。酒吧因為有餐廳牌所以都會提供小食，我哋就單點左雞軟骨佐酒，味道正正常常，但係食到有少少雪味。總括依然，環境幾舒服，對比起附近幾間手工啤酒鋪，呢一間唔使點排隊。平日嚟happy hour都係唔錯嘅選擇。