影片
更多
2019-06-20
157 瀏覽
放工食飯飲野如果可以係同一個地方做到其實係方便好多。朋友知道銅鑼灣有呢間bar裝修同野飲都好特別，打卡一流之餘仲好好味，話要帶我去。一入黎已經見到一大座倒轉既巴黎鐵塔。一坐低就有花生可以食住先。花生每位$10。呢度係用平板電腦睇餐牌既。餐牌上面見到啲drinks都好精緻。<China’s Night> ($118)係用紅酒同白蘭地做主調既酒，用中國傳統酒壺上，用碗飲，加埋新鮮生果，真係超有feel，好創新。<Swan Lake> ($118)一倒水落去乾冰度就散發煙幕效果。呢杯用左近排瘋魔全球既Bailey’s Strawberry & Cream，仲有菠蘿汁同蔓越莓汁。仲有三粒馬卡龍，上面印有餐廳名添。<煎雞軟骨餃子> ($68)餃子包雞軟骨我都係第一次試，咬落軟軟既餃子皮，同埋入面既咬脆卜卜既雞軟骨，口感非常豐富。因為係配酒菜既關係，所以都係本身帶有鹹味，唔洗點豉油都好夠味。<風沙蘆筍> ($78)一條條爽口既蘆筍，面頭用鹹蛋黃調味，非常新穎，朋友都誤會左以為係薯條！<法式紅酒燴牛尾意粉> ($138)
一入黎已經見到一大座倒轉既巴黎鐵塔。一坐低就有花生可以食住先。花生每位$10。呢度係用平板電腦睇餐牌既。餐牌上面見到啲drinks都好精緻。
<China’s Night> ($118)
係用紅酒同白蘭地做主調既酒，用中國傳統酒壺上，用碗飲，加埋新鮮生果，真係超有feel，好創新。
<Swan Lake> ($118)
一倒水落去乾冰度就散發煙幕效果。
呢杯用左近排瘋魔全球既Bailey’s Strawberry & Cream，仲有菠蘿汁同蔓越莓汁。仲有三粒馬卡龍，上面印有餐廳名添。
<煎雞軟骨餃子> ($68)
餃子包雞軟骨我都係第一次試，咬落軟軟既餃子皮，同埋入面既咬脆卜卜既雞軟骨，口感非常豐富。
因為係配酒菜既關係，所以都係本身帶有鹹味，唔洗點豉油都好夠味。
<風沙蘆筍> ($78)
一條條爽口既蘆筍，面頭用鹹蛋黃調味，非常新穎，朋友都誤會左以為係薯條！
<法式紅酒燴牛尾意粉> ($138)
紅酒加牛尾真係完美配搭，牛尾肉質夠鮮嫩，紅酒超入味，份量幾大份，夠兩個人食。
<The Princess and the Strawberry> ($88)
一塊窩夫配上士多啤梨蓉加Bailey’s Strawberry & Cream，同埋一粒粒士多啤梨，仲有一球雲尼拿雪糕，作為呢餐完美既句號。
張貼
