影片
更多
2023-03-28
1160 瀏覽
難得相約朋友到中上環走走, 去左大館行下影相, 影到咁上下去左附近搵食, 跟過見到依間兩層高餐廳透明玻璃窗同彩色光亮招牌幾吸引, 原來係食日本菜, 所以我地就行左入去拎位一行入餐廳係酒吧區, 樓上二樓係堂食座位, 店員比左個恐龍牌仔指示我地上一層, 餐廳佈置都係以森林系同復古為主, 上到二樓裝修佈置都非常有特色, 到處都係打卡位我地安排左係近窗位置, 復古風傢具裝飾, 忍唔住係咁周圍影相, 除左環境吸睛之外, 一打開餐牌都相當吸引, 係畫出黎既彩色食物圖, 相當精緻我朋友曾經黎食過, 佢話依度既腐皮壽司系列係招牌菜, 必點之一, 我地叫左4款share食, 可以食多幾個唔同口味, 分別有炙燒洋蔥忌廉帶子、炙燒蟹膏厚燒玉子、蔥吞拿魚拖羅蓉同明太子芝士蛋黃三文魚淨係睇賣相都已經好開心, 比一般平常既腐皮壽司大件, 每件都放到滿滿刺身配料, 食得出刺身相當鮮甜肥美, 屬於高質級數既刺身, 壽司醋飯味道剛剛好, 同外層腐皮融為一體, 外層既腐皮甜味加醋飯微醋, 味道同口感整體相當豐富, 係名乎其實既招牌菜另外再叫左份免治軟骨雞肉棒伴日本生雞蛋 (2串), 軟骨雞肉棒燒得惹味香口, 軟熟得黎帶軟
一行入餐廳係酒吧區, 樓上二樓係堂食座位, 店員比左個恐龍牌仔指示我地上一層, 餐廳佈置都係以森林系同復古為主, 上到二樓裝修佈置都非常有特色, 到處都係打卡位
我地安排左係近窗位置, 復古風傢具裝飾, 忍唔住係咁周圍影相, 除左環境吸睛之外, 一打開餐牌都相當吸引, 係畫出黎既彩色食物圖, 相當精緻
我朋友曾經黎食過, 佢話依度既腐皮壽司系列係招牌菜, 必點之一, 我地叫左4款share食, 可以食多幾個唔同口味, 分別有炙燒洋蔥忌廉帶子、炙燒蟹膏厚燒玉子、蔥吞拿魚拖羅蓉同明太子芝士蛋黃三文魚
淨係睇賣相都已經好開心, 比一般平常既腐皮壽司大件, 每件都放到滿滿刺身配料, 食得出刺身相當鮮甜肥美, 屬於高質級數既刺身, 壽司醋飯味道剛剛好, 同外層腐皮融為一體, 外層既腐皮甜味加醋飯微醋, 味道同口感整體相當豐富, 係名乎其實既招牌菜
另外再叫左份免治軟骨雞肉棒伴日本生雞蛋 (2串), 軟骨雞肉棒燒得惹味香口, 軟熟得黎帶軟骨既微脆, 雙重口感, 味道剛好唔會過份咸, 再點日本生雞蛋汁, 蛋香令整體味道更加滋味同減退左食嗰時既油膩感
難得放假同朋友邊食邊傾, 叫左杯Sapporo過下癮, 飲啤酒又點少得炸雞配食, 叫左份蜜糖芥末炸雞, 份量比想像中多, 都有8-10件左右, 炸粉夠薄身, 係日式炸雞既炸法, 放左陣外皮依然保持脆身, 外面帶住甜甜蜜糖同少許芥末醬, 食嗰時咬一口雞肉仲有肉汁噴出, 差啲滴到周圍都係, 所以食嗰時要小心肉汁, 愈食愈停唔到口, 雖然每件都唔係好大件, 係平時日式炸雞既大小, 但食食下都飽了
整體餐廳裝修同食物都相當高質, 以中環區黎講價錢合理, 真心推介腐皮壽司同炸雞小食, 座位之間寬敞闊落, 同朋友黎食飯傾計的確係個好選擇!
張貼
