名館 (黃埔天地) (已結業)

今晚同左朋友去左黃埔個邊行街，之後就去左黃埔美食坊個到搵食呢度全棟都係食肆，朋友話想食點心，所以我地就入左黎呢間有點心食既中菜館呢度既裝修佈置都幾好，坐得幾舒服！既然朋友話想食點心，咁就點多幾款一齊share食啦我地首先點左籠 鮮肉一口小籠包$58同名館蝦餃皇$48兩款既賣相同味道都唔差啵，個蝦餃仲粒粒都大大粒，外皮晶瑩剔透，內餡蝦肉爽彈，正之後我地要左碟 生煎肉末蓮藕餅$38煎得幾香口，彈牙既鯪魚滑混合左葱末同爽口既蓮藕，唔錯唔錯跟住仲要左碟 金銀蒜蒸娃娃菜$58同 蟲草花滑雞蒸飯$58唔好睇個蒸飯好似細細盎咁，其實份量都唔少，分到成三碗飯架！！入面既飯蒸得粒粒分明，加上混入左藜麥，感覺健康啲又有咬口啲食完咸食同主食既我地就要左兩款甜食做甜品一齊share其中一款係 香煎黃金小米糕$48，雖然外表平平，但食落有米香之餘又甜甜地，口感煙煙韌韌，食落幾好味同幾特別wooo另一款就係呢個 金薯棋子酥（半）$68呢款甜品既賣相夠曬精緻，紫薯蓉同蕃薯蓉做成可愛既象棋，再以棋盤呈上，薯蓉入面就有d練奶，食落既味道都唔差食左咁多點心，最後就梗係要飲多兩杯蕎麥茶消消濟啦--------------