影片
更多
2023-10-09
1935 瀏覽
兩口子一向都好鍾意飲茶食點心，最近又畀我哋喺大埔安慈路發掘到一間由名牌酒店大廚主理嘅特色點心專門店。餐廳主打傳統同特色創意點心，店內裝潢時尚，走年輕活力路線，點心全部即叫即蒸，新鮮熱焫！招牌酥皮鮑魚糯米雞 ($52) 糯米雞外層用鬆脆嘅酥皮包裹住，造型活靈活現，入面除左有糯米同肉碎外，仲有原隻鮑魚，入口鹹香味鮮。上湯金魚餃 ($32/2條) 金魚餃外觀好靚，好似喺池塘暢泳咁，賣相栩栩如生，加上面頭用左矜貴嘅金箔作點綴，再配以內裡彈牙蝦肉，皮薄餡鮮，美味。燒汁牛柳南瓜球 ($32/2粒) 南瓜球用雙層點心架盛上，好有儀式感，入口好重南瓜味，牛柳嫩滑不韌，燒汁濃杰度亦剛好，同甜甜地嘅南瓜皮完美融合。流沙豬仔包 ($22/2個) 豬仔包造型好可愛，包身熱燙鬆軟，入面嘅奶黃流沙餡好幼滑，外軟內香甜，記得要趁熱食。另外仲點左椒鹽魷魚鬚 ($48) 同 脆皮BB鴿 ($48)，魷魚鬚大條肉厚，粉漿唔會過多，食落爽口彈牙；乳鴿皮脆肉嫩，醃得夠曬入味。蘿蔔絲酥 ($26/3粒) 粉紅色澤，賣相好吸引，咬開見到入面塞滿雪白亮麗嘅蘿蔔絲，蘿蔔甜軟，就算連埋個酥皮食都唔會覺得有膩感。海味臘腸排骨煲
兩口子一向都好鍾意飲茶食點心，最近又畀我哋喺大埔安慈路發掘到一間由名牌酒店大廚主理嘅特色點心專門店。
餐廳主打傳統同特色創意點心，店內裝潢時尚，走年輕活力路線，點心全部即叫即蒸，新鮮熱焫！
招牌酥皮鮑魚糯米雞 ($52) 糯米雞外層用鬆脆嘅酥皮包裹住，造型活靈活現，入面除左有糯米同肉碎外，仲有原隻鮑魚，入口鹹香味鮮。
上湯金魚餃 ($32/2條) 金魚餃外觀好靚，好似喺池塘暢泳咁，賣相栩栩如生，加上面頭用左矜貴嘅金箔作點綴，再配以內裡彈牙蝦肉，皮薄餡鮮，美味。
燒汁牛柳南瓜球 ($32/2粒) 南瓜球用雙層點心架盛上，好有儀式感，入口好重南瓜味，牛柳嫩滑不韌，燒汁濃杰度亦剛好，同甜甜地嘅南瓜皮完美融合。
流沙豬仔包 ($22/2個) 豬仔包造型好可愛，包身熱燙鬆軟，入面嘅奶黃流沙餡好幼滑，外軟內香甜，記得要趁熱食。
另外仲點左椒鹽魷魚鬚 ($48) 同 脆皮BB鴿 ($48)，魷魚鬚大條肉厚，粉漿唔會過多，食落爽口彈牙；乳鴿皮脆肉嫩，醃得夠曬入味。
蘿蔔絲酥 ($26/3粒) 粉紅色澤，賣相好吸引，咬開見到入面塞滿雪白亮麗嘅蘿蔔絲，蘿蔔甜軟，就算連埋個酥皮食都唔會覺得有膩感。
海味臘腸排骨煲仔飯 ($38) 煲仔飯熱焫焫，臘腸香氣十足，排骨腍滑有肉味，米飯粒粒分明，撈埋甜豉油，真係無得輸。
雪耳花膠燉海底椰 ($42) 燉湯真材實料，除左花膠同海底椰外，仲有赤肉、雞腳、金華火腿等，滋補又養生。
楊枝甘露 ($36) 以支裝上，材料挺多，西米超大粒，芒果甜美，加上酸香柚子肉，啖啖滋味。
張貼
