S2 Kitchen (已搬遷) 新店位置

今日係中環想試下新野，見呢間餐廳細細間好似幾特別就入去試一試。入面嘅座位唔係好多，以小店形式經營，好有日本餐廳嘅風味。首先我地就叫左一個魚生飯，每樣都有少少，可以試到唔同款式嘅刺身，而所有刺身都好肥美同新鮮。之後就有牛舌丼，好大舊同好爽口，再加埋少少醬汁撈飯食就一流。小食方面就有芝士年糕同芝麻雞翼，雞翼啱啱炸起好脆，好香。而個芝士年糕好特別，之前未試過，食落又唔會覺得膩。最後我地仲叫左士多啤梨，好甜，而且好清新。