影片
更多
2023-04-04
698 瀏覽
2023年3月22日 星期三今晚放工之後又同老婆去咗荃灣西海之戀行街拍拖食飯商場裏面有呢一間日本拉麵餐廳，突然間諗起都好耐冇食過拉麵，而且唔知幾時先可以返日本旅行，唯有望梅止渴食個拉麵當去左先，睇門面餐廳都好有日本屋台既風格入到去坐低左發現係要先點餐俾錢，再等候自行取餐，之後先搵位置，所以即刻睇餐牌有咩食，裡面有好多款用日本各個地方命名既特色拉麵，就好似叫白武士，其實係九州風櫻花蝦豚骨湯拉麵，我哋就要左二刀流定食，其實係二人套餐，有齊沙律、拉麵、鰻魚飯、小食同飲品，費事考慮太耐唔知點揀好好快食物已經黎齊晒拎得，冇諗過二人餐都幾豐富，兩個食物盤都裝滿晒食物首先有呢一個蒲燒鰻魚飯，鰻魚幾厚身，咬落去好腍，油脂出晒嚟，加埋上面嘅黑白芝麻味道更加香，而且鰻魚醬撈飯食好惹味，如果有多啲白飯就更加好兩份椰菜沙律有粟米同紅蘿蔔絲，再撈埋芝麻醬，酸酸甜甜咁幾開胃，同埋椰菜好爽口，粟米都好甜另一個主菜就係黑武士拉麵，用咗黑蒜油湯底，老婆話拉麵好掛汁，湯底唔算太鹹，食完都唔覺得好口渴，而且配料都幾多，除咗叉燒之外，仲有半隻味玉、粟米同木耳絲，感覺幾豐富最後仲有兩款小食，分別係元祖炸雞同南瓜薯餅，兩款小食都
今晚放工之後又同老婆去咗荃灣西海之戀行街拍拖食飯
商場裏面有呢一間日本拉麵餐廳，突然間諗起都好耐冇食過拉麵，而且唔知幾時先可以返日本旅行，唯有望梅止渴食個拉麵當去左先，睇門面餐廳都好有日本屋台既風格
入到去坐低左發現係要先點餐俾錢，再等候自行取餐，之後先搵位置，所以即刻睇餐牌有咩食，裡面有好多款用日本各個地方命名既特色拉麵，就好似叫白武士，其實係九州風櫻花蝦豚骨湯拉麵，我哋就要左二刀流定食，其實係二人套餐，有齊沙律、拉麵、鰻魚飯、小食同飲品，費事考慮太耐唔知點揀好
好快食物已經黎齊晒拎得，冇諗過二人餐都幾豐富，兩個食物盤都裝滿晒食物
首先有呢一個蒲燒鰻魚飯，鰻魚幾厚身，咬落去好腍，油脂出晒嚟，加埋上面嘅黑白芝麻味道更加香，而且鰻魚醬撈飯食好惹味，如果有多啲白飯就更加好
兩份椰菜沙律有粟米同紅蘿蔔絲，再撈埋芝麻醬，酸酸甜甜咁幾開胃，同埋椰菜好爽口，粟米都好甜
另一個主菜就係黑武士拉麵，用咗黑蒜油湯底，老婆話拉麵好掛汁，湯底唔算太鹹，食完都唔覺得好口渴，而且配料都幾多，除咗叉燒之外，仲有半隻味玉、粟米同木耳絲，感覺幾豐富
最後仲有兩款小食，分別係元祖炸雞同南瓜薯餅，兩款小食都炸得好香，一咬落去脆卜卜，特別係炸雞，外皮鬆脆，但裏面仲有肉汁流出黎，至於薯餅就充滿南瓜香味，仲食到南瓜蓉喺裏面添
食咗咁多嘢，埋單$200都唔使，呢個二人餐真係好抵食！！
張貼
