燧記廚房 (荔安大廈) (已結業)

今日路過見西營盤新開了呢間小店，主打家常小菜，就同朋友入去試下。入到去就聽到微弱嘅機器聲，一望才發現原來有部機器自己係度炒菜! 細問之下先知原來呢度係香港首間引入機械人炒菜嘅餐廳，唔知日後呢門科技會唔會越嚟越普及呢。餐廳設計簡約，自助點餐後就會有店員送菜到枱面。我同朋友叫了三個菜share食，首先有呢個撲豆角抄肉，撲豆角原來唔同平時食嘅豆角，佢係酸酸地加食落爽口，呢碟菜仲加入了唔少辣嘅青椒，食落都幾辣不過又辣得好過癮!另外叫了佢嘅招牌宮保雞丁，比較特別嘅係佢採用了花生而唔係平日會用嘅腰果，而且呢碟宮保雞丁味道偏甜，亦都頗辣。最後仲有叫了碟臊子蒸蛋，終於有道唔辣嘅餸中和下，肉臊唔會太肥，蛋亦都夠入味。