良記餐廳(老鳳冰室) (已結業)

餐廳裝潢幾有特色，擺放左好多6-70年代風格的裝飾，餐牌設計又幾有心思，可見老闆的幽默。除左一般茶記都有嘅粉面飯，呢度仲有一個幾特別嘅餐牌，就係消暑沙律餐，可以自由配搭兩款沙律和一款小食，同跟一杯熱飲，天氣熱無胃口食飯，想食下沙律開下胃，或者係輕食主義者就岩晒。今次黎食lunch沙律我揀左北寄貝蟹肉碎蛋沙律，吞拿粟米火腿扭扭粉沙律，小食就揀左板燒雞腿三文治，兩個沙律味道都不錯，北寄貝為沙律加添了一點爽口另外蟹肉的鮮甜同碎蛋沙律亦好夾，另外吞拿魚同火腿偏咸但加上粟米甜味和淡味的扭扭粉配搭起黎就剛剛好，最後板燒雞腿包，雞扒都幾juicy，食埋岩岩好7分飽。