鼎豐雞煲泰國菜 (已結業)

✅鼎豐雞煲泰國菜太子一帶都好多正嘢食今次就去左呢間主打雞煲泰國菜既餐廳平日夜晚去都爆哂場 好多人見到枱枱都有叫雞煲 好似幾正咁不過今次就冇食到雞煲 主打泰國菜🇹🇭🔆泰式拼盤 (S) $155有雞丸 春卷 蝦餅 魚餅 各兩件全部都係新鮮炸起 所以夠哂香口雞丸幾特別 入面有雞肉同粉絲碎 味道就好似雞肉丸咁春卷入面係椰菜同紅蘿蔔絲 係齋既春卷 味道較淡蝦餅好香脆 脆漿唔厚 蝦膠都好彈牙 唔錯👍🏻魚餅就偏向濃味少少 如果多啲辣椒粒 辣味重啲會較好😆味道: 3.7/5 賣相: 3.8/5🔆泰式柚子蝦沙律 $98我都係第一次食泰國菜叫呢個餸朋友話佢每次食泰國菜都必點🤣柚子好甜 唔苦澀👍🏻大蝦都彈牙 唔會好老 感覺好新鮮有個涼拌汁係酸酸甜甜 好似泰式酸辣汁咁加埋辣椒碎 蝦米仔 提升左個味道既層次🥰食到最後仲有少少椰奶既味道🤣味道: 3.8/5賣相: 3.5/5🔆冬蔭功湯 (S) $109叫左個細既冬蔭功湯一入口 酸度十足 但又有少少椰漿既香味仲有香茅等香料 好有泰國既味道🥰仲有啲蝦仁 菇菌 呢個細既份量都好多兩個人都每人可以飲到三碗🤣飲完即刻好開胃👍🏻味道: 3.6/5賣相: 3.3/5🔆