I Leisure (已結業)

今日去尖沙咀I Leisure, 新店樓上舖喺isquare對面唔難搵。裝修華麗, 有特色鳥籠座位, 啱曬打卡！而家有優惠 點招牌shake shake海鮮袋 仲送麻辣小龍蝦, 又幾抵下！shake shake海鮮袋「海鮮盤」加入粟米、司華力腸等配料, 煮熟後再用餐廳獨創嘅馬來西亞特色辣汁, 放入海鮮袋搖勻,好似shake shake薯條咁。五款海鮮有 鮑魚、大蜆、海蝦、扇貝和青口, 活海鮮充滿鮮味。扇貝大大隻肉質鮮甜嫩滑, 鮑魚煙韌有口感, 海蝦爽口彈牙, 用海鮮袋均勻地醮滿特式辣醬汁, 一打開已經香氣撲鼻, 真係食到停唔到口！麻辣小龍蝦鮮紅色外表已經感受到麻辣嘅氣息。小龍蝦啖啖蝦膏肉質鮮甜, 麻中帶辣唔搶口, 十分惹味。墨西哥狂熱Pizza薄批香脆可口, 加上大量芝士、沙樂美腸和風乾火腿, 鹹中帶辣, 芝味無窮。最有驚喜是酸瓜粒, 中和鹹度令風乾火腿肉味更突出！