La Casa Burger & Pasta (文咸東街) (已結業)

係中上環交界有一間細細地但裝修都有好有特色既漢堡包店，雖然而家疫情唔多唔少都影響飲食業，但呢間小店人流依然唔少。通常d漢堡包店招牌都係cheese burger，今次我都無例外，試左個經典芝士漢堡。特色漢堡包店同連鎖快餐既漢堡包最大既分別就係配料既配搭同埋本身塊牛既質素。净係用肉眼都見到呢個芝士漢堡塊漢堡扒好厚，足足有成120g，真係個口細d都食唔到。另外塊麵包皮鬆軟，同埋最重要係既醬汁，帶出左塊扒既鮮甜。另外仲叫左個意大利肉丸手工意粉，雖然味道都唔差既，但食完漢堡再食呢個顯得有少少失色，所以我都係建議大家食漢堡。最後個薯角炸得金黃香脆，同個車打芝士都幾夾。