包販子 (已結業)

呢間係同事推介過，都係我一直想食既食店，但平日唔就腳，呢排食飯時間改變左，見時間唔多，就去附近買個外賣，今日行到呢間包販子，終於可以買個外賣🤗望望餐牌，見啲漢堡包非常之有特色，見好多食評都點北京填鴨，咁就等我都點呢包食下先😋點完餐在門外等候，八八卦卦望入餐廳，見裝飾好特別，特別佢個logo好得意🤣等左一陣外賣拎得，拎到返公司，急不及待打開個包，嘩。。好足料啵，個包好脆口呀北京填鴨肉唔鞋，好酥脆，加上青瓜片，一流呀👍🏻另外點左盒雞翼，同同事分享，一隻雞翼一開二，不會太大隻難咬，一口一隻味道又好惹味