醉胡爐 (已搬遷) 新店位置

今日同朋友係尖沙咀呢頭約食隻，搵咗呢間打邊爐，入到嚟座位都幾多，裝修舒適！一坐底叫咗份泰式無骨鳳爪開下胃先，酸酸甜甜，份量好多，呢度有唔小小食比你揀。佢呢度有好多特色火鍋湯底，我朋友鐘意胡椒豬肚，我哋就揀咗佢嘅胡椒豬肚花膠雞鍋，個湯底夠曬濃香，豬肚花膠份量都唔少，仲有半隻雞比你，個湯底越煲越香，淨係食湯底啲料都好多。之後我哋點咗個蔬菜拼盤同餃子拼盤，呢個有齊曬5種餃子，我就最中意佢個黑松露菌餃，好夠黑松露香！嚟得打邊爐一定唔少得食肥牛，我哋揀咗個安格斯肥牛，啲牛真係好夠嫩，食落好夠牛味，入口即化。呢間打邊爐真係一啲都唔差，可以值得一試。