鰹烏冬 (寶華閣)

營業中

休息中

今次經過見到鰹烏冬唔洗排隊，即刻入黎食翻個烏冬先。- 蕃茄青瓜沙律 $28本身見到名嘅時候，我以為係好似蟹籽青瓜沙律嘅食物擺法和做法，點知原來刷新左我嘅新知識。呢個沙律嘅蕃茄事先經過醃製，口感有齊酸酸甜甜嘅味道，配埋青瓜絲同麻醬，好有驚喜，下次一定會再叫黎食。- （冷）海苔烏冬 $50海苔烏冬嘅鰹魚醬油另外有茶杯裝住，夾起烏冬嘅時候可以直接沾試醬油，然後進食，方便之餘又唔會整污糟件衫。而烏冬唔會好黏又唔會好硬，麵質啱啱好。醬油方面可以再咸少少，令海苔烏冬更加入味。