瑞士餐廳 (已結業)

以前聽人講芝士火鍋係瑞士國菜，一直都未有機會去瑞士見識。見呢幾日天氣凍左，去食返個鬼佬火鍋暖下身先。瑞士餐廳裝修好有特色，門口位置有隻大牛牛係到。餐廳內部掛滿晒瑞士國旗，令人有一種置身於瑞士感覺一樣。除左芝士火鍋，餐廳仲有好多唔同西餐選擇。落完單，侍應即刻送上熱辣辣而且免費嘅餐包。蕃茄蓉芝士火鍋（$338)新薯仔（$38）/蘑菇（$38）/西蘭花（$38）芝士火鍋一上檯已經聞到好濃郁奶香味同蕃茄香，本身有配法包，我地再另外叫左叫左新薯仔、蘑菇、西蘭花，食落一啲都又唔會覺得太膩。德國烤咸豬手拼酸椰菜 ($288)咸豬手烤到好香，皮又燒到卜卜脆，配埋酸椰菜一齊食，越食越想食。配菜仲有新鮮熱辣嘅薯條。自家製焦糖燉蛋 ($58)最後緊係要叫一個甜品為呢一餐畫上完美句號。今次點左法式甜品Crèam Brûlée ，燉蛋軟軟滑滑連埋焦糖一齊食好好味。未有機會去瑞士嘅朋友，都不防可以黎呢到試下。