優閑法式班戟甜品專門店 (已結業)

今日又行過西環，喺第二街同第三街嘅樓梯間見到間特色小店，好奇之吓走入去試吓啦。裝修環境頗有特色，正如店名一樣，充滿自然優閒嘅感覺。問過主廚阿 Ling，原來店內所有設計都由佢一手包辦，所以成間鋪頭充滿佢嘅意念同心思。優閑主打包括手卷式斑戟、法式燉蛋，外賣蛋糕同特色咖啡，全部出品都喺好有舒適優閒嘅感覺，小弟覺得最有心思喺主廚阿 Ling 會為客人推介合適嘅口味。所以小弟就交由主廚拍板，叫咗《冧酒車厘子配朱古力汁伴朱古力雪糕》，小弟對手卷式斑戟嘅製作過程頗感興趣，喺客人面對即叫即做，可見主廚阿 Ling 對西式甜品甚有研究。聽阿 Ling 講，原來每件出品都經由佢親自上百次嘅研究同嘗試做出嚟，可見佢對食物嘅信念同執著。小弟覺得阿 Ling 最好貼心喺冧酒車厘子完全啱哂成年麻甩佬嘅口味，冧酒嘅酒香完全滲入車厘子裏面，每粒車厘子都好濃郁的酒味，可見阿 Ling 對每件出品都落足心機同時間準備，真喺好有特色！《冧酒車厘子配朱古力汁伴朱古力雪糕》25 蚊，誠意推介俾喺西營盤活動嘅朋友。