菓甜品 (已結業)

今日同朋友喺尖沙咀食完飯，大家話未夠喉要再食下甜品，本來大家都諗住過去厚福街嗰邊食，不過行行下見到寶勒巷街口有個易拉架，上面寫住有間甜品舖叫菓甜品，而且啲圖又好靚好吸引，仲有我至愛嘅心太軟，於是大家都話去試下新嘢。間甜品店正正位於寶勒巷，喺馬會對面，所以好易認。門面雖然細細，但中西式甜品都有，而且仲要好特色添，見到都流晒口水。餐牌啲圖好靚，樣樣都好吸引，最後我哋3個人揀左3款甜品，大家share嚟食，咁就可以試多啲唔同口味。我哋叫左個絲絲入心 (即心太軟)、櫻花水信玄餅同埋魔鬼朱古力 (即雪糕新地)。絲絲入心 (即心太軟) 有別於出面嘅心太軟，唔係用碟上，而係用一個透明玻璃瓶去裝住，上面係朱古力心太軟，面頭仲要有隻朱古力蝴蝶喺上面，好似喺到翩翩起舞咁，瓶口位置有塊脆餅， 瓶內有雲呢拿雪糕配Oreo餅碎同紅莓粒，當一切開個心太軟，啲朱古力漿就會一滴一滴咁流落去雪糕上，做到一口雪糕，一口朱古力漿嘅效果，唔會太甜，加埋脆餅一齊食，完全係視覺與味覺嘅享受。🌸🌸櫻花水信玄餅係一種日式嘅糕點，其實貌似透明嘅果凍，望落晶瑩剔透，透出朶朶櫻花，味道清淡，散發住淡淡的花香味。另外，再加少少黃豆粉同埋黑糖