Mulino (已結業)

今晚很開心，可以和好耐無見的舊同事一起聚會，我們去了一間位於尖東海傍的地中海餐廳! 這間餐廳很有地中海特色，無論佈置、燈光、食物以至員工都很有地中海風情!見到menu好吸引，首先我們點咗一個Mix Mediterranean dip, 一共有3款不同的豆醬：炭烤紅椒核桃蓉、鷹嘴豆蓉、煙燻茄子蓉， 再配埋軟軟熟熟的阿拉伯Pita Bread dip住食，好好味呀!跟住就叫咗個 Tabbouleh Salad 和Grilled Octopus!首先講講這個中東沙律，食材主是由藜麥，切碎的歐芹、薄荷、蕃茄及洋蔥等混合而成，並加入適量檸檬汁和橄欖油，如果是少食澱粉的你，一定會喜歡，因為這個salad味道好fresh，而且又好健康! 至於燒八爪魚，起初都擔心會燒得好韌， 但這裡所烹調的八爪魚令我喜出望外，咬得開之餘，又有口感，而且又煙韌，味道恰到好處，非常鮮味!之後，就再點多個Mussels，啲Mussels好新鮮又大碟，個汁好好味，配埋塊烘左嘅法包，實在是無得輸!還想一提，在晚餐時段還有Live band唱歌， 在這輕輕鬆鬆、熱熱鬧鬧的環境下chill一chill，真是成個人都開心relax曬