吉列牛忌廉烏冬專門店 (百樂中心) (已結業)

今日去左銅鑼灣搵食，見有間樓上嘅日式料理係時代廣場後面，就上去試下。吉列牛定食牛肉炸到半熟，再擺上去塊板自己燒，可以自己選擇熟度，難得嘅係燒熱左個炸粉都仲係脆，牛肉有肉味同埋夠嫩。另外幾推薦大家點個沙律醬，同個牛肉幾夾。蒜片燒牛舌芯呢個幾抵食，有好多舊牛舌，而且唔係薄薄地一塊，而係幾彈牙幾厚身，調味有少少甜，好香口，幾推薦大家叫嚟試下。蕃茄豚肉鍋（另加烏東）質地夠杰身，食得出濃濃嘅蕃茄味。豚肉有肉味、無雪味，我地另外加個烏東去滾一滾，好滿足。