ICHU

營業中

休息中

終於試到呢間特色秘魯菜😍佢新開嗰陣已經想試！我對秘魯菜嘅印象係 Ceviche（檸汁醃魚生），呢款前菜個汁調得偏酸，另一款Salmon Tiradito更合口味，三文魚切片配上了特製醬汁同檸檬汁，好開胃，味道更加平衡，好想食多幾塊🥰另一款前菜係沙律，綠色同紅色藜麥分別係用菠菜同紅菜頭加秘魯嘅植物煮出嚟，好特別，可能聽到沙律個名無咩期待，食落呢款反而最有驚喜！🙈🥗主菜果斷揀烤雞Pollo a la Brasa🍗，金黃色嘅雞皮真係好吸引!! 再加上甜甜哋嘅醬汁好夾，食埋醃紫椰菜解膩就perfect。秘魯甜品一樣有驚喜，可能係我第一次食haha。Tres leches cake（煉奶蛋糕）係中南美洲嘅甜品之一，1/3個蛋糕浸咗落奶度，食落好濕潤，第一啖覺得有啲奇怪，之後就鍾意咗，再加糖薑絲同透明條條一齊食幾得意（有啲似珍多冰/槐花粉）。另外仲試咗香蕉布丁配芝麻雪糕，個布丁同我幻想好唔同，我以為係日本/西班牙果種😭 食落好似冰花燉蛋咁，唔係軟滑質地。