雲魅 (已結業)

出開旺角專登book呢間試試佢個砂鍋米線，唔知係咪book咗嘅關係，安排咗窗口位畀我哋，18樓望出去幾開揚，而佢嘅裝修係簡約竹林風，坐得幾舒服。下晝有午市套餐，第一次嚟嗌咗前菜：傣族手撕鬼雞、主食：雲魅特色湯七彩麵、飲品：青檸薑蜜。手撕雞整得好入味，推介👍🏻不過佢撈咗少量芫茜，唔食芫茜就要自己夾走佢喇。到主菜，嚟到見個砂鍋入面個湯仲翻滾緊，即刻拎電話出嚟錄低咗😂佢啲餸同配菜全部用豉油碟裝住，侍應都有細心同我哋講啲肉要放咗落去先，另外其中一個配菜鵪鶉蛋放落去會變咗半熟，好味！整體嚟講，自己將啲材料放落去就好似打邊爐咁，咁樣食米線都係第一次，感覺幾新鮮，食完個湯都仲出緊煙，冬天嚟食應該更加正。