影片
更多
2024-09-16
869 瀏覽
今日約咗朋友聚一聚，去咗中上環一帶飲嘢加食埋晚飯，慢慢傾。餐廳有兩層，地面嗰層主要飲嘢，上面嗰層比較適合用餐。餐廳燈光柔和，裝修佈置幾chill。我哋order咗兩個小食，一個煮食，一個甜品再加嘢飲。花雕柚子凍花甲$155呢款小食好特別，有啲中日fusion感覺，花甲大大隻，鮮甜冇沙，配合埋佢個凍花雕柚子汁，冰涼帶有少少柚子同八角嘅清新香氣加上入口少少微辣，味道好開胃。千層薯配三文魚子忌廉芝士$128呢個菜式好精緻，考手工，切得薄薄一片的薯仔，一層層疊上去，疊上一個小方塊，烤炸過後上面放上cream cheese同埋三文魚子。薯仔外脆內香， cream cheese cream加上脆口的三文魚子，口感非常豐富。黑安格斯牛肉眼，蘭王蛋煲仔飯配原條牛骨髓$478呢個主食估唔到會響西餐廳食到，安格斯牛蘭黃蛋煲仔飯，以西式日式的食材以中式煮法烹調，好驚喜。店員會幫手將牛骨髓加入煲仔飯中，然後將骨髓，牛肉，蛋及飯拌勻，再加上牛肉燒汁，香氣撲鼻。用咗北海道嘅七星米，特別香，煲底仲有飯焦。黑安格斯牛肉眼質地軟腍，牛味香濃加上香濃牛骨髓同蘭王蛋黃，真係非常正。芒果椰香芭菲$140食完啲Heavy嘢食，
花雕柚子凍花甲$155
呢款小食好特別，有啲中日fusion感覺，花甲大大隻，鮮甜冇沙，配合埋佢個凍花雕柚子汁，冰涼帶有少少柚子同八角嘅清新香氣加上入口少少微辣，味道好開胃。
千層薯配三文魚子忌廉芝士$128
呢個菜式好精緻，考手工，切得薄薄一片的薯仔，一層層疊上去，疊上一個小方塊，烤炸過後上面放上cream cheese同埋三文魚子。薯仔外脆內香， cream cheese cream加上脆口的三文魚子，口感非常豐富。
黑安格斯牛肉眼，蘭王蛋煲仔飯配原條牛骨髓$478
呢個主食估唔到會響西餐廳食到，安格斯牛蘭黃蛋煲仔飯，以西式日式的食材以中式煮法烹調，好驚喜。店員會幫手將牛骨髓加入煲仔飯中，然後將骨髓，牛肉，蛋及飯拌勻，再加上牛肉燒汁，香氣撲鼻。
用咗北海道嘅七星米，特別香，煲底仲有飯焦。黑安格斯牛肉眼質地軟腍，牛味香濃加上香濃牛骨髓同蘭王蛋黃，真係非常正。
芒果椰香芭菲$140
食完啲Heavy嘢食，食個清新啲嘅甜品。呢個芒果綿綿冰加上椰子雪糕及新鮮芒果，味道清新香甜，一解油膩感。
Strawberry latte $48
呢杯飲品係店員推介嘅特色飲品，士多啤梨味好真實，牛奶亦夠香滑。不得不提附送的pastry ，非常香脆帶有鹹香的芝士味,好想encore。
Seasame & charcoal latte $48
呢杯特色飲品同樣驚喜又靚，下層白色是牛奶，上層黑色則是黑芝麻竹炭，黑芝麻夠香濃，溝上牛奶，就像是芝麻糊，友人非常喜歡。
張貼
