憶食尚臘味煲仔飯 (已結業)

有朋友介紹話尖沙咀有間有特色嘅煲仔飯，叫我去試下，咁啱今日放假去尖沙咀行街，順便去亞士厘道試下呢間餐廳。去到坐低覺得環境好舒服，店員好有善，我同朋友叫咗一湯四餸加甜品飲品，非常豐富！個湯係板鴨蘿蔔煲，板鴨好夠味，啲蘿蔔好清甜，加埋黑胡椒，好開胃。然後嚟咗個川味麻辣雞，辣到好啱香港人口味，係辣得嚟會想繼續食嘅程度，正！跟住叫咗個手工黃金麵，個麵炸到卜卜脆，點甜酸醬食，口感味道一流！因為係夏天所以我哋決定唔食煲仔飯，改食雙味臘腸貝殼包，一隻係香甜廣東臘腸，令一隻係川味辣臘腸，兩款我都好鍾意！最後食多個XO醬鮑魚伴麵，真係有鮑魚㗎 ！啲麵軟硬度適中，絕對唔係街邊貨。最後我哋食埋個紅豆紫米甜品，飲杯去濕薏米水，兩個人就好滿足咁返屋企喇！