肉餅哥小炒料理 (已結業)

今晚同朋友去屋邨樓下晚飯，見到呢間『肉餅哥』，單單聽個名都覺得勁。我地一行4人，一坐低，店員好快就送上例湯，非常有效率。我地點咗以下菜式：金沙蛋黄肉餅 - 肉餅上有咸蛋黄蓉，令本來傳統平凡嘅肉餅生色不少。邪惡嘅咸蛋黄蓉，我相信無人不愛，同肉餅一齊食，雙重質感，更添美味。原隻波士頓龍蝦肉餅 - 上菜即刻要『嘩!』一聲，隻龍蝦放係個肉餅上面，非常霸氣，果然係肉餅哥! 呢個龍蝦肉餅，比傳統肉餅多咗一份鮮味。霸王雞半隻 - 普普通通。海皇雜菜煲 - 都幾大煲。芥香四季豆 - 清清地，醒胃小菜，幾好食。肉餅係佢地主打，果然無令人失望。佢地除咗配白飯之外，仲可以配菜飯，而個菜飯嘅菜都幾青嫩。下次可以試下其他款式肉餅。