為食龍 (已結業)

想試依到個腐皮壽司好耐，今次終於試到，但除左腐皮壽司原來其他食物質素都不錯！試左個蟹膏蟹籽燴飯（$168），一入口已經好濃蟹膏嘅香味，配埋蟹籽口感爽夠哂特別。個飯整得好好，汁收得岩岩好得黎又軟硬適中另外腐皮壽司選擇好多，試左黑松露帶子($38)、葱呑拿魚拖羅蓉($35)同柚子左口魚($35)，個腐皮甜甜地配新鮮嘅刺身幾夾，而且個壽司好大舊！甜品試左牛油麻薯窩夫($138)，個窩夫好軟熟，同煙韌嘅麻糬口感好夾，另外個牛奶雪糕好香奶味，夾埋窩夫食好正原來依間都有酒飲，叫左杯梅酒($88)，梅味好出，又易入口，正！估唔到除左壽司正之外都有驚喜！