好包 (已結業)

近排聽講有一間已結業元朗小店喺佐敦重開。難得經過佐敦，就同大家試下味！新店嘅位置係位於吳松街，裕華百貨對面，舖面雖然唔大，有一張細Bar櫈，不過裝修簡約，感覺幾舒服😌。好多顧客都係為「雞翼包」慕名而來，因為所有雞翼都人手拆骨，食落啖啖肉😋！雞翼煎熟後灑上大量炸蒜🧄、椒鹽粉，好惹味！而麵包🥯係佢地自家製意大利Ciabatta麵包，食落口感同雞肉差唔多👍🏻，咬落煙靭，而麵包內裡塗上牛油🧈同芥末，食落都幾香幾開胃！天氣咁熱，我就叫左杯菊花蜜，飲落幾清甜潤喉，中間好似夾雜住少少🤏🏻薄荷味，味道份外清新！小店自創既「雞翼包」，雞翼食落香口多肉汁，麵包🥯口感唔錯，夠哂吸引！價錢方面，只賣$40其實唔貴，份量又夠飽，各位「食肉獸」不容錯過！！