煲底海鮮火鍋料理 (已結業)

趁今日同男朋友開始放大假我哋決定今日出去尖沙咀Staycation因為酒店唔包晚餐嘅緣故，所以我哋決定出去食男友上網搵咗依間餐廳🍴個名係非常之特別餐廳環境面積幾大，枱與枱有適當嘅空間，更有幾幅打卡嘅特色牆。揀我最鍾意食嘅芫荽湯底一上枱真係已經有好多芫荽🉐頭頭諗住只係得幾件海鮮，估唔到其實都幾足料包括左桶蠔、龍蝦、蜆肉、蟹⋯⋯多款海鮮而且湯底都非常之濃郁，再配埋不少嘅蔬菜吸收湯底嘅精華。紅酒牛肉擺盤非常之靚，油花分佈平均，加上埋用紅酒🍷浸住，輕灼幾秒就已經可以食啦。澳洲黑豚肉豬肉口感非常之豐盈，偏向厚身有咬口，而且肥瘦均等。芫荽牛丸牛丸咬落去非常之彈牙，而且有肉汁，但係略嫌芫荽味俾牛味蓋過咗少少芫荽蝦餃其實外貌似係水餃🥟亦偏大隻，蝦肉幾彈牙，無雪味。芫荽墨魚滑呢個絕對係芫荽控必點，芫荽味最濃郁之一，而且墨魚滑幾彈牙，亦吃到粒粒墨魚肉。