潮福蒸氣石鍋 (已結業)

放工後就同兩個朋友去到位於西環既潮福蒸氣石鍋，雖然港九地區都有佢既足跡，但就要兩位朋友就返我一次喇，呢邊較近我。先講總結，海鮮超級新鮮好食，但價錢偏貴。我一直都驚食煮熟既蠔， 驚會有蠔腥味，但今次都幾驚喜，d蠔蒸熟完好新鮮，好甜！同生既無分別， 只不過口感無咁creamy，比較實淨。蒸元貝真係超好食啊～自己一向食海鮮都必叫元貝，從未試過咁嫩既元貝，好少有，所以蒸汽海鮮真係有佢既獨特之處(本來都唔信…)。個日既元貝有2款，一隻日本一隻好似係紐西蘭，試晒2隻蒜蓉蒸，非常香同鮮甜，最後連汁都倒埋落口完美！我就覺得產地分別唔太大，但日本既再鮮甜啲。鮑魚肉質爽口，味道鮮甜，中間事先介開，等鮑魚可以更短時間內蒸熟，保留鮑魚的新鮮，減少肉汁的流失。手掌咁長既花竹蝦上枱既時候仲識跳，好新鮮。雖然幾十蚊一隻蝦都幾貴，但無庸置疑既係物有所值，咬落去成口濃郁蝦鮮味，毫無蝦腥味，仲好彈牙啖啖肉，愈嚼愈香。啲蝦上枱唔夠三分鐘就每人清左幾隻。讚！最後仲Order左個細既粥，見每檯客人都叫呢個，一定有佢好食之處既，估吾到望落好少料煲出黎會有好大鍋，仲好有味，有排骨既鹹香同好突出既南瓜甜味，比起平時既粥多左份鮮甜，可