九重鮮 (已結業)

今日黎到黃埔行街街，周圍行下行下發現原來呢到多左好唔同既餐廳，仲要有好多都係唔同款式，花多自然眼亂，唔經唔覺行到呢間好特別既餐廳門口，望入去見到門口全部掛滿韓款服裝，見到咁特別，就入去食呢間啦。完來呢間野係食蒸海鮮，佢有兩個套餐選擇，一個平D叫九重海鮮塔，另一個叫十重海鮮塔，兩個都配有韓式自助吧，就係中間既位置既食物，睇落九重同十重好似多一款同小一款既分別，其實食材都好唔同。我叫左平D既九重海鮮塔，但黎到既時候只有五層，哈哈～但食材一樣齊既，初初黎個時會有支探熱針，一開始十幾度，當等到七十幾度就可以叫職員幫忙開蓋就可以開始食，首先有海蝦跟黑淑鹽肥牛，時間岩岩好，蝦非常新鮮彈牙，第二層有多寶魚同白蜆，多寶魚肉好滑，骨唔算多，白蜆鮮甜多汁，跟住仲有飽魚，粉絲元貝，沙巴肉蟹等等，其中好出色係蟹肉，原隻蟹，基本上蟹肉都已經開曬出黎，最出奇蟹蓋，一反開仲有好多蟹羔同蟹汁，滿滿既蟹羔真係非常非常先好味，值得一試，價錢唔貴，但食材既款式有好多，鐘意食海鮮既一定要黎食。